口金包材料包
大慨喺一年多前行JCCAC市集時買咗個口金包材料包返來，但又一直未整。趁呢排好有passion咁去做手工，咁就做埋佢啦~ 呢份材料包係由小店主Pipo Gi 自行出品，雖則係自家製作，但包裝一樣精美：
入面嘅材料好齊全，連配好色嘅線都有：
不過單睇說明書嘅教學，可能都未必做到.... 因為我唔知乜嘢係半回針 =.= 不過而家科技咁發達，呢個小問題google好快就答到我。
努力一個晚上之後，一個好靚嘅口金包就完成咗~
係咪好靚呢？
如果我無記錯，嗰陣喺市集好似係賣$40定$60架咋~ 有齊晒材料，塊布又靚，D色又襯得靚，其實真係好抵~~ 而對我嚟講，最重要係唔使自己剪紙樣裁布。唔知點解，縫嘢就覺得好玩，但講到裁布就有D卻步..... 到底係人人都會係咁，定係淨係我一個係咁嘅呢？
類別: