台灣體驗之旅
事源站長去台灣玩了一星期，親身去逛當地嘅市集同參與不同手作課程，體驗當地嘅手作文化。最初還會擔心自己超普通嘅普通話會同佢哋溝通唔到，不過原來我嘅普通話水平係可以溝通到個喎~ 雖然中間都可能會有溝通不良嘅地方，不過佢哋都好有耐性去讓對方明白大家想講啲乜。所以只要有心的話，溝通絕對不成問題。
當地的市集，主要都是集中在周末，所以去一星期的話，其實都只是看到兩三個左右。不過佢哋嘅市集，都係以室外嘅為主，人流好多，但又不會有太迫的感覺，氣氛亦好好。如果唔係時間遷就唔到，真係想多睇幾個唔同嘅市集。
而手作課程方面，今次就精彩囉~ 一共報咗3個課程，整完金工手鐲，再來木筆。不過呢D都只係熱身來，之後就係重頭戲，整音響~~ 一個女仔無啦啦走去台灣整音響，講出嚟大家可能會以為我痴線。我對於音響無特別研究，亦絕非特別喜好。會選擇去整音響，我諗只係因為佢夠獨特，同埋我喜歡向高難度挑戰。不過事實亦證明我無揀錯，因為真係好好玩架~~ 同埋喺台灣學嘢，仲有茶水點心午餐供應，正係好正架~~ (仍在回味中)
呢次台灣之旅嘅體驗文章將會陸續送上，大家密切留意喇!!!!
台灣體驗系列：http://www.handsmore.com/tags/台北2015
類別: