兩毛冷店月內搬遷結業
走在街上，能遇到手作材料店舖嘅機會愈來愈少。喺剛剛過完年不久，又收到有兩間毛冷店因搬遷或結業而在進行大減價嘅消息。
搬遷的正是於灣仔經營多年的姿釆毛冷。姿采毛冷位於軒尼詩道人流極旺的地段，就算搭叮叮經過，都可以見到佢哋間舖頭。不過好可惜，之後就唔可以咁輕易路過就見到佢哋喇！佢哋將會於本月尾結業、並於3月搬到後面街譚臣道的商廈內。唔知原本呢個舖位，之後係開藥房定金舖呢？
而減價期內，姿采毛冷大部份貨品都有85折或9折優惠，不少織女都已經去咗掃貨喇！
姿采毛冷店舖資料：按此
而另一間將要結業的，是位於藍田區匯景廣場入面嘅妳想織毛冷公司。店子雖小，但店內嘅毛冷款式好多。而家清貨期間，全店更有半價優惠。而事實上，大部份貨品更低於半價，因為老闆娘會開一個更低嘅價錢去清貨。雖然清貨期間店舖裏頭長期都堆滿人，不過老闆娘仍然不厭其煩咁向顧客介紹佢嘅毛冷，難怪個個入親去都大包細包咁走啦~ 老闆娘話佢哋只會做到2月尾，不過以佢清貨嘅速度，話唔定可以提早沽清全店貨品。
妳想織毛冷店舖資料：按此
最後，實不相瞞吖...... 其實兩間我都有份入去敗家......... 呀~ 唔係，應該說是行動支持先啱~~~~
只想講，真係好抵，有買趁手，好多貨都係手快有、手慢無的。
從此又少兩間地舖/ 商場舖了。如果想知更多毛冷店嘅所在地，即看：編織材料店的搜尋結果
類別: