編織機GK-370及桌上梭織機開箱報告

  • 發佈於: 24 February 2016
  • by admin

過年時訂咗兩部knitting machine, 今日終於收到喇~

一部係手動編織機GK-370,睇示範片段,係咁易拉一下,就可以織好一行出來~ 有咗呢部機器幫手,想織乜都可以快靚正啦~

以下就係手動編織機GK-370日本方面嘅介紹:

而另一部就係桌上梭織織布機,以下就係官方圖片:

塑膠造的,外型同埋佢呢件織物sample都好吸引下。

 

初步介紹完,就返返來開始開箱睇下實物如何。

呢件包裹都幾大件下,棟喺度時都有半個人咁高架!因為派件時無人收件,要自己去郵局托返嚟,所以可以話俾大家知,佢都相當之重下。難怪要成$500運費~~

一開箱,就見到有好多日本報紙及泡泡膠保護住入面,protection做得好好。

拎開晒哋報紙同泡泡膠,就可以見到兩部機嘅包裝盒。其實只佔外層大箱一半多啲嘅空間。

以下張相可見,編織機GK-370大過梭織機好多呢~

咁我哋就先來開GK-370編織機啦~

一打開,就見到說明書同發泡膠入面排列整齊嘅配件。

拎開說明書,就見到下面部主機、CD-Rom同一啲類似織針嘅工具。

移開埋啲發泡膠,就可以清楚見到部knitting machine喇! 感覺超正~~ 粉紅色手推嘅部份推起上來好順~

部機上面有好多鈎針物體,好得意~ 好想快啲可以試玩呢~~

 

而另一部桌上梭織機,包裝比想像中細得多,盒長只係42cm,闊13cm,其實都好方便收藏。

打開就見到一袋裝住說明書同小配件嘅包裝袋喺最面。

移開袋配件,就見到兩個毛冷。同sample嗰兩隻色係一樣的~  其實我無諗過佢會配埋,所以見到時好有驚喜。

移開晒就見到個主要支架,不過當然就係未組合架喇~

拎晒出嚟一眼望晒就有以下咁多嘢喇~

只需扭扭擰擰,就可以好輕易將佢哋組合成一部梭織機,組合後就會變成咁嘅樣:

真係好想好想可以快啲試玩..... 不過而家無乜空間玩住........

等不久嘅將來集作室開幕後,唔止我哋有更多空間試玩到更多手作機器/工具,你哋都可以過來一齊玩架~~ 超期待~~~~

 

分享: