硬膠花癡 － 立體真花工作坊
一直都有留意硬膠花癡嘅硬膠產品，因為真係好靚呀！之前去開市集時，都會成日去睇佢哋D產品。而喺某日當我如常睇facebook時，突然見到a nice place to同硬膠花癡開班嘅post。睇返個post announce 嘅時間～ 嘩，係啱啱出無幾耐咋，真係好好彩。我都估到會好快full, 所以一見個日子ok, 就喺無乜點諗嘅情況下就即時執咗名lu。結果真係如我所料，兩三個鐘左右就full晒! 證明我眼光幾好，HAHA
講返大家最有興趣嘅上堂實況先！當日大慨有20個同學左右，3個花癡老師同兩位店主都好nice。一開始我哋可以喺眾多乾花之中揀選4片去做一個襟針＋一隻介指。面對咁多咁靚嘅乾花，好多同學應該都同我一樣，好三心兩意，所以揀咗好耐。呢4片就係我揀嘅乾花喇，應該都算襯得唔錯啦～
半個鐘之後各同學都揀完乾花，花癡就開始講解整個製作過程喇！而到真係製作時，3個花癡老師就分別去到3張枱度逐個step教我哋喇！而當我哋遇到一D不幸事件時⋯⋯ 例如中途突然整爛咗片花瓣。花癡老師都會立即幫我哋急救 ( 可能只係我，而唔係我哋⋯⋯）不過做到最後因為時間唔夠，所以有D趕。雖然已經overrun 咗一個鐘，不過始終都唔可以慢慢執得靚D。加上又第一次整，同花癡老師嘅作品真係差好遠呢。之但係，喺無其他作品比較之下，我覺得我嘅成品都好靚架！
你哋睇～～～
不過整完今次之後，我發覺硬膠花癡嘅產品原來係好抵買。因為製作過程都真係幾麻煩，又整到隻手癡笠笠。雖然我係做開手作，都覺得製作過程無想像中咁易呢～
類別: