松山文創園區 x 誠品生活松菸店
如果喜愛手作的話，去到台北當然要去松山文創園區。因為誠品於2013年喺園區內開設咗誠品生活松菸店，而呢間誠品嘅二樓，係有好多手作課程可以參加。就算無時間學，都過去行個轉開下眼界~~
周末來到松山文創園區，入口處都有個小市集，當中有不少手作攤檔。
好多攤檔嘅檔主都好熱情咁介紹佢哋嘅作品。 而Indēer 小印紅鹿嘅檔主都好落力介紹佢哋嘅筆記本，所以我都認唔住買咗本。不過返到嚟香港之後，有D後悔無買多幾本添！因為佢嘅design真係好好，封面可自由轉postcard, 入面紙質好輕，入面又有夾位可以夾嘢。另外，我又忍唔住買咗條Le Groove嘅蜜蜂頸鍊。又？Yes, 因為之前去台灣時已經買過一條Le Groove嘅頸鍊。再次見到佢哋嘅產品時，仍然係好喜歡。
過晒市集嘅攤檔之後，就會見到展覽區域：
展覽區域隔離，就會見到誠品文化松菸店。誠品前面都有一堆攤檔，不過呢個area當日嘅攤檔都係以飲飲食食為主。
去到誠品二樓，簡直就係手作迷嘅福地。因為喺嗰度有勁多嘅體驗課程可以即時報名參與。不過我喺嚟台灣前已經報咗好幾個台灣手作課程，所以無再喺現場度報喇~ 如果時間許可的話，真係想再玩多一兩個呢！
木匠兄妹嘅手作課程都好吸引，不過因為我已經報咗木筆課程。如果唔係，我諗我已經喺嗰度學咗整木筷子了。
而HSU & DAUGHTER嘅皮革袋其實都好吸引，不過佢嘅課程有分時段。同埋今趟旅程嘅手作課程已經用咗好多錢，已經無budget再學過千銀嘅嘢lu~ 所以只好望多兩眼，期望下一次再嚟整啦.............
但下次再嚟，都唔知學得邊樣好~~ 因為佢有木工、金工、皮革、手作紙、陶瓷、油畫等等等等嘅手作課程。不過最新奇嘅，應該係吹玻璃。我都好想試下呀~~~~
有機會再嚟嘅話，應該會破產...... 所以下次再去台北前，應該要好好儲錢先........
如果大家都有興趣，想更清楚知道有乜嘢玩嘅話，可以睇睇呢篇文章：http://artevent.eslite.com/brand-page-3279
台灣體驗系列：http://www.handsmore.com/tags/台北2015