小朋友大愛的黏土生日會
最近一次out job去咗香港仔一個會所度為一個小朋友生日會提供黏土workshop。
因為今次生日會嘅theme係num norms, 所以都製作咗幾隻num norms公仔教小朋友製作。
其實事前真係完全唔知num norms係乜。不過唔緊要, DIY就係要彈性迎合客人需要, 所以就算我哋唔知係乜, 都會即時自己做research再做出來的。
雖然我唔識佢哋, 但佢哋當日真係好受歡迎, 好多小朋友都想做呢幾隻公仔。
而為咗兼顧到一D 夠細嘅小朋友, 我哋另外都準備咗一D 模具, 可以簡單咁制作到一D 成品出來。
當日個個小朋友都好開心, 有D仲做到停唔到手, 最後滿載而歸添。
因為當日比預計中受歡迎, 所以超咗時serve班好可愛嘅小朋友。因為見D 小朋友玩得咁開心, 我都唔想stop佢哋呀, 同埋我都好enjoy個過程呢。
同埋D 小朋友真係好乖, 最後仲有個妹妹問使唔使幫我手執嘢呀, 真係好窩心呢~
類別: